OCIO ONLINE

sábado, 30 de maio de 2020

Grazas por participar no XAQUE AO VIRUS!

Remata o mes de maio e tamén o xogo dos retos e probas... queremos desexarvos un feliz verán pero sempre con sentidiño!

Sodes uns campións e quedou demostrado o longo do confinamento... recordade que tendes os vosos premios a partir do luns dispoñibles para recoller.

Moitas apertas virtuais! Ata pronto!

xoves, 28 de maio de 2020

Moi boas!!

Para aqueles nenos e meniñas participantes en XAQUE AO VIRUS

recordade recoller os vosos

diplomas e medallas!

Onde? no Fórum Metropolitano

Cándo? os días 1,2 e 3 de xuño

Hora? de 16:00 a 18:00

Lembrade que tedes que identificarvos na entrada do recinto e acudir con mascarilla.

Campamentos de verán

XAQUE AO VIRUS CHEGA AO SEU FIN, PERO AÍNDA QUE REMATEMOS UNHA ETAPA INICIAMOS OUTRA.

ANTE A NECESIDADE POR PARTE DAS FAMILIAS DE CONCILIAR, PODEREMOS GOZAR COS CAMPAMENTOS DE VERÁN 2020

A Federación Provincial de ANPAS, conxuntamente co Concello da Coruña, co fin de dar resposta ás necesidades de conciliación das familias, oferta unha proposta de actividades multidisciplinares para este período vacacional.

A estrutura é semellante aos Campacoles de edicións anteriores, pero neste caso exclusivamente para as familias (ambos proxenitores ou familias monoparentais) que xustifiquen a necesidade de conciliar, xa que este é o eixo principal desta proposta.

O programa "CON CILIA NO COLE" levarase a cabo en diferentes colexios públicos da cidade.

PREMENDO NOS SEGUINTES ENLACES PODEREDES VER TODA A INFORMACIÓN SOBRE O PROGRAMA
"CON CILIA NO COLE"
E TODO O RELATIVO AOS CAMPAMENTOS DE VERÁN:

Programa con Cilia no cole

Campacole

SE PRECISADES MÁIS INFORMACIÓN TAMÉN PODEDES ACCEDER Á WEB DA
FEDERACIÓN PROVINCIAL DE ANPAS
ONDE FACILITAN UN CORREO ELECTRÓNICO E NÚMEROS DE TELÉFONO:

Federación Provincial de Centros Públicos de A Coruña

mércores, 27 de maio de 2020

Último reto!

Bos días raparigos e raparigas!

Mente en forma

Qué tal estades a levar a semana? Este reto non consiste en escribir, tampouco en facer manualidades, soamente vos propoñemos que vos poñades cómodos e vexades o seguinte vídeo.

https://www.youtube.com/watch?v=4INwx_tmTKw

"Cordas" é a segunda curtametraxe de Pedro Solís García.

"Cordas" foi o gañador do Goya 2014 na categoría de "Mellor curtametraxe de animación español".

Esperamos que sexa do voso agrado.

Cuerpo en Forma

Despois de todo o exercicio que fixemos este confinamento, toca estirar, así que esperamos os vosos vídeos facendo un estiramento xeral...

luns, 25 de maio de 2020

Reto 28

Mente en forma
Que mellor forma de adestrar a nosa mente ca un crucigrama? Porén, propoñémosvos un máis entretido ca os que adoitan facer os adultos: as definicións que debedes concretar e situar nas correspondentes celas do crucigrama son do mundo Disney. Seredes quen de completalo?